xoves, 5 de abril de 2018

6 DE ABRIL DÍA DE PORTAS ABERTAS NA EMAO




Co motivo dos DÍAS EUROPEOS DA ARTESANÍA, na EMAO O DÍA VENRES 6 DE ABRIL argallamos unha serie de actividades e portas abertas aos obradoiros. Na nosa aula estaremos facendo demostración de serigrafía téxtil de 10.00 a 12.00 horas, estades todos convidados!!!:

10.00-12.00
CAIM Gaita: Demostración dos diferentes procesos de Construción da Gaita que estarán a realizar os alumnos.
CAIM Zanfona: Demostración dos diferentes procesos de Construción da Zanfona que están a realizar os alumnos.
Serigrafía Artística: Exposición de traballos realizados no Taller e demostración de Aplicación de Serigrafía Téxtil. 
12.00-14.00
Ourivería: Exposición de traballos realizados polos alumnos e demostración de aplicación de esmalte en húmido con esmaltes opacos e transparentes.
Artesanía en Coiro: Exposición de pezas de Alumnos e antigos alumnos, e demostración de nove técnicas decorativas. 
16.00-18.00
Deseño e Encaixe de palillos: Demostración de diferentes técnicas de encaixe que os alumnos de Avanzado están a aplicar nos seus proxectos. 
Escultura e Talla en Madeira: Demostración do proceso completo para a elaboración dunha plancha xilografica. -
Moda e Confección: Exposición de traballos realizados polos alumnos e demostración da realización dunha peza incluíndo: patronaje, confección e remate da peza.
Debuxo: Presentación e proxección de traballos realizados polos alumnos. 
18.00-20.00
Cerámica Artística: Exposición de traballos realizados polos alumnos e visita á aula e presentación dos contidos da especialidade. 
Pintura: Exposición de traballos realizados polos alumnos e visita á aula.


Visita ao CIEC, Centro Internacional da Estampa Contemporánea


Coincidindo co curso de serigrafía que se está a desenvolver actualmente no CIEC fixemos unha visita para intercambiar impresións. Un agradable encontro repetiremos sen dúbida!






venres, 12 de xaneiro de 2018

A túa pel




A túa pel
Proxecto de Alba Troiteiro
Exposición Proxectos 2017. Espazo EMAO.

Xogo co velar e o revelar, expansión do pano ao corpo. Falar da segunda pel mediante serigrafía corporal.

Elaboración dun pano artesanal realizado con técnicas de serigrafía artesanal e kalamkari. 
Para a foto performance contouse coa colaboración do fotógrafo Miguel Vidal, o grupo de danza contemporánea Plácido Domingo e a artista Avigráfica.




xoves, 28 de decembro de 2017

Keep on Rockin in the shirt world

 

Keep on Rockin,in the shirt world
Proxecto de Isa Alabama
9 camisas enmarcadas. Serigrafía téxtil
Exposición Proxectos 2017. Espazo EMAO

 Neste proxecto Isa aúna a súa paixón pola música e o cinema co deseño de estampados para serigrafía téxtil creando a marca: https://www.isala-silkscreen.com/
Cinema Independente como The Warriors, Blow Up ou Zachariah e bandas musicais de culto como A Velvet Underground, Motorhead ou Bowie, inspiran conceptos que se plasman en camisas dende o estilo Rodeo western Americano ata o Mod da subcultura británica. O  rockabilly, country ou punkrock son xéneros  influenciados por esta estética e este coctel de conceptos, xéneros, estilos e culturas que dan forma a isala-silkscreen.com




 

luns, 18 de decembro de 2017

Too Vintage

Proxecto de Silvia Represas Portela para a exposición Proxectos 2017 do espazo EMAO.
Too vintage
Serigrafía cerámica.

Too Vintage xira entorno ao obxecto artístico ou de deseño asociado coa idea do merchandising. A miña serie de ilustracións baséase nas novas tendencias de recuperación do vintage, cunha estética steampunk. O lema é "non hai nada máis vintage que un dinosaurio".
Too Vintange componse dunha serie de ilustracións serigrafadas a 8 tintas aplicadas sobre porcelana con calcas cerámicas que representan dinosaurios ornamentados con ouriveiría de inspiración vintage ( finais do s.XIX principios do século XX).